Janë arrestuar tetë persona të cilët kanë marrë pjesë në ngjarjet e djeshme me rastin e Ditës së Flamurit Shqiptar Për momentin janë arrestuar tetë persona të cilët kanë marrë pjesë në incidentet e djeshme kur u përdhos flamuri maqedonas me rastin e festës së flamurit shqiptar. Ministri i Punëve të Brendshme Pançe Toshkovski sot në një deklaratë për media tha se katër prej tyre dyshohen sipas nenit 319 të Kodit Penal, që është vepër e dënueshme me së paku një vit burg. Toshkovski tha se të gjithë janë të rinj dhe njëri prej tyre është i mitur. Njëri prej tyre është kapur duke djegur flamurin maqedonas dhe një është kapur duke e ulur flamurin. Katër personat e tjerë që u ndaluan u arrestuan pasi kishin marrë pjesë në një përleshje.
