Presidenti turk Recep Tayyip Erdoğan ka bërë thirrje për izolim të Izraelit, teksa ky i fundit ka ashpërsuar luftimet në Gazën qendrore dhe Libanin Jugor.
Thirrja e presidentit turk u bë në Takimin e Jashtëzakonshëm të Samitit të Organizatës së Bashkëpunimit Islamik dhe Ligës Arabe të mbajtur në Riad, ku ka kërkuar gjithashtu vendosjen e një embargoje të armëve ndaj Izraelit dhe ndërprerjen e marrëdhënieve tregtare me atë vend, duke e izoluar atë nga pjesa tjetër e botës.
“Është jashtëzakonisht e rëndësishme të vendoset një embargo armësh ndaj Izraelit, t’i jepet fund tregtisë me Izraelin dhe të izolohet Izraeli ndërkombëtarisht nëse agresioni i tij përfundon. 52 vende dhe 2 organizata ndërkombëtare mbështetën iniciativën tonë për të ndaluar shitjet e armëve në Izrael, duke përfshirë dy anëtarë të përhershëm të Këshillit të Sigurimit. Synimi i Izraelit është të vendoset në Gaza, të shkatërrojë dhe përfundimisht të aneksojë praninë palestineze në Bregun Perëndimor, duke përfshirë Jeruzalemin Lindor. Ka një lëvizje hap pas hapi drejt kësaj pike. Ne duhet ta parandalojmë këtë. Ndërsa një pjesë e vogël e vendeve perëndimore i dhanë Izraelit të gjitha llojet e mbështetjes në aspektin ushtarak, politik, ekonomik dhe moral, paaftësia e vendeve muslimane për të reaguar fatkeqësisht çoi në arritjen e situatës në terren në këtë pikë. Është jashtëzakonisht e rëndësishme që ne të vazhdojmë përpjekjet tona të koordinuara për të marrë masa veçanërisht shtrënguese, kundër atyre që kryen gjenocid në Palestinë, në bazë të ligjit ndërkombëtar dhe kartës së Kombeve të Bashkuara. Nuk mund të lejojmë që dallimet e mendimeve dhe qëndrimeve mes nesh të na pengojnë në kauzën tonë të përbashkët.
Erdoga tha se duhet punuar më shumë për të inkuruajuar vende të ndryshme, që të njohin shtetin e Palestinës”
‘Ne dëshirojmë me gjithë zemër që vëllezërit tanë palestinezë të arrijnë unitetin kombëtar në punët e tyre. Ne gjithashtu e inkurajojmë këtë. Si vende islamike, ne duhet të udhëheqim hapat që mund të ndërmerren kundër Izraelit. Ne duhet të inkurajojmë përfshirjen e numrit maksimal të vendeve, veçanërisht anëtarëve të organizatës, në çështjen e ngritur nga Afrika e Jugut kundër Izraelit në Gjykatën Ndërkombëtare të Drejtësisë. Si Turqi, ne kemi vënë në fuqi kufizimet tregtare kundër Izraelit. Ne jemi të gatshëm të zbatojmë të gjitha propozimet konkrete dhe realiste, që do ta bëjnë qeverinë Netanyahu të ndiejë se pushtimi i tokave palestineze ka kosto. Asambleja e Përgjithshme e Kombeve të Bashkuara miratoi më 18 shtator rezolutën palestineze në lidhje me zbatimin e vendimit këshillimor të Gjykatës Ndërkombëtare të Drejtësisë. Mendoj se është e rëndësishme që ne të ndjekim zbatimin e kësaj nga afër. Të gjithë e shohim pamundësinë e arritjes së një zgjidhjeje me dy shtete duke kërkuar pëlqimin e qeverisë aktuale izraelite. Në këto rrethana, ne duhet të inkurajojmë më shumë vende që të mos njohin shtetin e Palestinës. Në fakt, që nga 7 tetori, 9 vende të tjera e kanë njohur shtetin e Palestinës. Besoj se do të shohim ditën kur rezistenca në Këshillin e Sigurimit të kapërcehet dhe shteti i Palestinës të bëhet anëtar i Kombeve të Bashkuara.
Udhëheqësi turk kujtoi se nisma e vendit të tij për ndalimin e furnizimeve me armë në Izrael ishte mbështetur nga 52 anëtarë të Kombeve të Bashkuara dhe dy organizata ndërkombëtare.
