Askush nuk është mbi ligjin dhe llogaridhënia është thelbësore për përparimin. Kështu shkruan në rrjetin social X, ambasadorja amerikane në Shkup, Angela Ageler, pas shpalljes në Listën e Zezë të emrit të Artan Grubit dhe gjykatësit Enver Bexheti.
“Përzgjedhja e sotme e Artan Grubit dhe Enver Bexhetit është dëshmi se ndërhyrjet politike në gjyqësor nuk mund – dhe nuk do të tolerohen. Shtetet e Bashkuara do të vazhdojnë të emërojnë ata që përfshihen në korrupsion që minon institucionet demokratike dhe gërryen besimin publik. Askush nuk është mbi ligjin dhe llogaridhënia është thelbësore për përparimin”, shkruan në profilin e saj në X, ambasadorja Ageler.
Ndryshe, pak orë më parë, Departamenti i Shtetit Amerikan e futi në Listën e Zezë Grubin dhe Bexhetin, duke i përfshirë në korrupsion gjatë proceseve gjyqësore të Sasho Mijallkovit.
